OFICINA DEL CONCEYU PA QUEXES Y SUXERENCIES

El Reglamentu orgánicu de funcionamientu del Ayuntamientu de Gijón/Xixón, acordies colo previsto na Llei 57/2003, de 16 d'avientu, de Modernización del Gobiernu Llocal, configura la Comisión Especial de Suxerencies y Reclamaciones col envís de defender los derechos de los vecinos y vecines de Gijón/Xixón, que vien a sustituyir lo qu'enantes yera la Oficina de Defensa del Ciudadanu. Asina, consíguese una participación direuta de la Corporación del Conceyu nel estudiu, alderique y propuesta de les suxerencies y reclamaciones presentaes pola ciudadanía de Gijón/ Xixón.

Al traviés d'esta páxina, y acordies col art.124 del Reglamentu, dispónse d'una fueya o formulariu electrónicu pa poder presentar telemáticamente les suxerencies o reclamaciones en quexes (denomaes quexes pa estrémales de les reclamaciones o recursos alministrativos). Nestos formularios tendrá de conseñase'l nome y señes, D.N.I o equivalente y determinar l'oxetivu de la suxerencia o quexa.

La Oficina de Suxerencies y Reclamaciones, como unidá d'apoyu a la Comisión especial de Suxerencies y Reclamaciones, remitiráles al serviciu municipal que correspuenda pa estudiales y queda obligáu a dar cuenta de la solución adoptada. Tamién , la Oficina del Conceyu comunicará la solución a la persona que presentó la quexa o suxerencia. D'otra miente, la Oficina del Conceyu unviará davezu a la Comisión especial de suxerencies un llistáu, dixebráu per estayes municipales, indicando'l serviciu qu'afeuta, trámites fechos y solución adoptada. Los resultaos qu'adopte la Comisión tendrán la forma d'informe o dictame non venceyante y notificaránse a los interesaos afeutaos.